Cracus

Eluctata iugo multorum Patria Cracum
Praefecit rebus laeta lubensque suis.
Finibus hic pepulit Gallos, qui nostra ruebant
In rura exustae post mala Pannoniae.
Invitus regni tenuit quoque sceptra Bohemi
Ex rexit geminum carus utrique solum.
Tunc habitasse draco fertur sub rupe Vaveli,
Dirus vicini depopulator agri.
Sulfure farcit ovem Cracus, monstro obicit; illo
Interiit ingens belua victa cibo.
Conditur a Craco Cracovia. Fabula Gracchi
Frivola Romam iam mihi, quaeso, tace!

Czytaj dalej: De se ipso ad posteritatem... - Klemens Janicki